أنت مبتعرفش.. محمد موسى يوجه رسالة نارية لـ حمو بيكا

فتح الإعلامي محمد موسى، النار على مؤدي المهرجانات حمو بيكا، على خلفيه نشر الأخير فيديو عبر حسابه الشخصي على إنستجرام، يتعثر خلاله في نطق جملة ديناصور ومنقرضتش".

وقال محمد موسى خلال تقديم برنامج "خط أحمر" على قناة الحدث اليوم، مش مهم الأغنية ولا حتى مهم أنه مش عارف ينطق الكلمات بس المهم السؤال اللي بيطرح نفسه.. هو مطلوب مننا نصدق المسرحيات الهزلية دي هو أنا لو مش عارف أنطق جملة هصور نفسي وأنا بتلعثم أو بتعثر في نطقها وأبين للناس أني مبعرفش"، لو ده المغزى اللي بيكا عايزه.. خلاص فهمنا ياعم أنك مبتعرفش، مبتعرفش تنطق الجملة".

تابع، لكن الحقيقة مش كده خالص، الحقيقة أن الناس دي بيتفننوا إزاي يضربوا أسوأ الأمثلة لصورة الفنان المصري ويصوروه أنه جاهل أو مبيعرفش.. وده طبعاً علي خلاف الحقيقة لأن تاريخنا الفني كله شاهد علي ثقافة فنانين مصر ورجاحتهم .. لكن للأسف إحنا في فترة الوسط الفني كله لغط وزي ما في دخلاء في مهن كتيرة .. برضه الفن أتملى دخلاء ومن كل لون وكل واحد فيهم عايز يمسك الحديدة ويلم الفلوس وبأي طريقة سواء كانت متدنية أو مسفة.