حبيبتي أنا نازل مع صاحبي شوية| أميرة عبيد توجه نصائح للأزواج

قالت الإعلامية أميرة عبيد، إن هناك نوع من الرجال لديهم فراسة وثقافة وفن في التعامل مع المرأة بشكل عام ومع زوجته بشكل خاص، مضيفة: "مستحيل تلاقي الراجل ده في أي مناسبة فيها ستات من غير مراته دايماً بيقدمها للمجتمع بشكل يليق برجولته ويعاملها معاملة خاصة جداً قدام الناس.
تابعت أميرة عبيد خلال تقديم برنامج "هي وهما" على قناة الحدث اليوم، "أما بشكل خاص بيجاوب علي كل الأسئلة قبل ما مراته تفكر فيها لأنه عنده فارسه وذكاء تجاه الأنثى اللي معاه ودايماً بيكون خايف علي الست اللي معاه حتي من نفسها ومن تفكرها وبيعرف يقدر رقة احساسها .. ازي ؟.
أضافت، مفروض الراجل قبل ما يخرج يقول لزوجته بشكل لطيف حبيبتي أنا نازل مع صحابي شوية اختاري لبس علي ذوقك ولو اتأخر برا يتصل بيها يطمن عليها ويطمنها علي نفسه ، وكمان يختار معها كل حاجة علي مدار اليوم الأكل واللبس و المواعيد والخروج ده الراجل كما يجب أن يكون.. ضروري نفهم إن الحياة مشاركة بين الزوجين ، ولازم نعرف إن الست مش خدامة والراجل مش بنك، الزوجين يعني حياة كاملة متكاملة روحين عايشين لبعض مش ضد بعض.