تامر عاشور يفتح النار على المنصات الموسيقية: بشغل أغنيتي تطلع أغنية لحد تاني
انتقد المطرب تامر عاشور ما يحدث على المنصات الموسيقية في الفترة الأخيرة، والذي يضر بالأعمال الغنائية، وذلك من خلال تغريدة عبر حسابه الشخصي على موقع التواصل الاجتماعي تويتر.
وكتب تامر عاشور: فضلوا يقنعوني أن عادي تشغل أغنيتي يطلعلك حد تاني على سبوتي فاي لحد ما نسيت سبوتي فاي أصلا شكله ايه.. دلوقتي في ناس كتير قوي قوي عماله تبعتلي تقولي في مشكلة في أغنيتي الجديدة في أنغامي.. كل ما تشتغل تطلع أغنيه الأهلي.
وتابع: إن شاء الله ننسى شكل أنغامي قُريب وربنا يخليلنا اليوتيوب أنا مش بتعب واشتغل أنا وكل فريق العمل علشان نسوقلكم لمنتجات تانية.. صورة فنان واسم أغنية أي حد يدوس عليهم يطلعلهم الفنان والأغنية غير كده عبث.
وسبق وأن نفى المطرب تامر عاشور كل ما تردد سابقًا حول ارتباطه بممثلة بعد حضوره لعيد ميلادها، وذلك خلال لقائه اليوم ببرنامج حبر سري مع المذيعة أسما إبراهيم.
وقال تامر عاشور: أنا مش بحضر أعياد ميلاد، ومفيش أي علاقة عاطفية، ومعنديش قابلية أحضر أعياد ميلاد، وعمري ما ارتبطت بأي ممثلة، وأنا مش بحب أتواجد في أعياد الميلاد والأفراح، والشغل وأني أنجح بيخليني إنسان سعيد.
وفي الحلقة نفسها، كشف تامر عاشور حقيقة المشكلة التي حدثت بينه وبين اثنين من المطربين بسبب أغنية، فقال: حصل أن كان فيه اتنين مطربين بيتخانقوا على لحن أغنية أنا عامله، ومدتهاش لدا ولا لدا وغنيتها أنا، ومخسرتهمش ولا حصلت خناقة بعديها.
