عمرو عبد العزيز عن فيلم تاج: عجبني ولولا اختلاف الأذواق لبارت السلع
حرص الفنان عمرو عبد العزيز على إبداء رأيه في فيلم تاج، الذي يعرض حاليًا في السينمات ضمن موسم عيد الأضحى المبارك، وذلك من خلال منشور عبر حسابه الشخصي على موقع التواصل الاجتماعي فيسبوك.
وكتب عمرو عبد العزيز: مش بحب أقول رأيي في فيلم غير لما أشوفه بنفسي وأقول وجهة نظري.. امبارح اتفرجت على فيلم تاج للميجا ستار تامر حسني الفيلم في إطار فانتازيا كوميدي.. الفيلم والله عجبني وعجب الناس اللي كانوا في السنيما بصراحة أنا ضحكت واللي كانوا في السنيما كانوا بيضحكوا.. وعجبنى جدا مستوى الجرافيك اللي معمول فيه بصراحة.
وتابع: وفي الأخر لولا اختلاف الأذواق لبارت السلعة.. الفيلم هيعجب ناس ومش هيعجب ناس ده طبيعي جدا بس ياريت حتى الناس اللي مش عاجبها الفيلم يقولوا نقدهم بشكل محترم بدون تجريح في حد لأن في مجهود مبذول في الفيلم وناس تعبت وشقيت عشان الفيلم يخرج للنور.
واضاف: وعايز أقول أني سعيد بمخرجة الفيلم سارة وفيق أننا بجد عندنا مخرجة ست بعد ساندرا نشات وكاملة أبو ذكري عندها وعي وقدره على التحكم والتعامل مع كل العناصر دي من الديكور والتصوير والموسيقى والجرافيك.. وعلى فكرة دي حاجة مش سهلة خالص.. أحمد عبد القادر مدير التصوير بجد جامد جدا وعامل صورة تحفة.. في النهاية مبروك لتامر حسني وكل فريق عمل الفيلم.
