.jpg)
حسن شاكوش يثير الجدل في حفله الأخير: ”شبعنا تريندات”
علق مؤدي المهرجانات حسن شاكوش، على أزمته الأخيرة مع زوجته ريم طارق، وذلك بعد الجدل الكبير الذي أثار بينهم خلال الفترة الماضية.
قال حسن شاكوش خلال حفله في الساحل الشمالي:" أنتوا الفترة اللي الفاتت تعبتوا مني على السوشيال ميديا، كل شوية حسن شاكوش إتجوز و حسن شاكوش طلق ومحدش كان فاهم حاجة وكل اللي إتقال على السوشيال ميديا كله كان إشاعات".
تابع:"أنتوا عارفين إن انا من بولاق الدكرور وطالع من منطقة شعبية وعارف يعني إيه بنت ناس وأعرف أحافظ علي بنات الناس".
وأضاف حسن شاكوش:"أنا بس عايز أعرفكوا إن كل ده إشاعات وكله عايز تريندات وإحنا شبعنا تريندات، وكانوا فاكرين إن ده هيمسكوها عليا ذلة .. بس لا عملتهلهم أغنية أبسطك إزاي وأنتى مش بسطاني".
وكان افتتح مطرب المهرجانات حسن شاكوش أول حفلًات فندق "جولدن اوشن" بمارينا 5 بداخل شاطئ لافام الخاص بالسيدات.
وحضر الحفل عددا كبيرا من الفنانين، ومن بينهم الاستعراضية أوكسانا وبدرا وعدد كبير من سيدات المجتمع من مختلف الأعمار.
وقدم شاكوش خلال الحفل مجموعة من اغنياتة المتميزة التي اشتهر بها وتفاعل معاها جميع الحاضرين، الحفل أقيم برعاية كاميليا محمد السعدنى.
وتعد هذه المرة الثانية التي يحيي فيها حسن شاكوش حفلا غنائيا في نفس الشاطئ، بعد حفله هناك خلال صيف العام الماضي.
