محمد موسى يوجه رسالة نارية لمؤدي المهرجانات: ”يا مشاهير.. النجومية مش كده”

وجه الإعلامي محمد موسى، رسالة نارية إلى مؤدي المهرجانات، بسبب أفعالهم الغريبة والغير مألوفة على المجتمعات الشرقية ذات العادات والأعراف الرصينة.

وقال محمد موسى خلال تقديم برنامج "خط أحمر" على قناة الحدث اليوم،،" بجد اللي بنشوفه من بعض الناس حاجات غريبة علي مجتمعنا اللي بنشوفه الكام سنة الأخيرة بيخرب عاداتنا وتقاليدنا".

تابع، اللي يطلق يطلع يفضح الدنيا ويطلع كل أسرار علاقته الزوجية علي الملأ.. وواحد تاني كل شوية يطل ينشر صور وهو بيرمي الدولارات في المايه ومرة تانية يطلع بصابونة دهب وتليفون دهب وواحد تالت يطلع يتجني علي مراته ويطعنها في شرفها ويطلقها وبعد كده نكتش أن جوازهم أصلاً كان عرفي وبعد ما شردها في سمعتها وجرجرها في الأقسام والمحاكم تلاقيه يطلع يعمل فيديو يعتذر لها .

استطرد، للأسف يامشاهير .. النجومية مش كده .. النجومية هي تصدير نماذج تفيدوا بها المجتمع اللي أنتم عايشين فيه وأنكم تقدموا أفضل ما عندكم لجمهوركم .. مش أنكم تتسابقوا مين يعمل اللقطة ومين يشغل الناس بشوية تفاهات الناس لما بتشوفها بتتقيأ منها".