عمرو أديب عن قرار الرسوم الجديدة: الناس عايزة حياتها يبقى فيها الحد الأدنى من الظرافة

علق الإعلامي عمرو أديب، على الرسوم الجديدة التي تم فرضها على بعض السلع والخدمات والتعديلات الضريبية.

وقال عمرو أديب، خلال تقديم برنامجه "الحكاية" المذاع عبر قناة "إم بي سي مصر": "أنا مش بتكلم عن الاستاكوزا ولا الكابوريا، يارب تحط عليها مليون في المية مش مهم".

وأضاف عمرو أديب: "المهم أن الناس تشعر إنه الأمور ممكنة، عايز أخرج ممكن، عايز أخد العيال أروح بيهم سينما ممكن، مرة في الشهر خليني أخرج أو أتفسح، بنحاول الناس تبقى مثقفة أكتر، نقلل الإرهاب، ياخدهم مرة سينما أو مسرح أو السيرك، أينعم الحاجات مش مزدهرة عندنا أوي، إنما تعمل حاجة للعيال، مش كلها أكل وشرب، فيه وجدان وفيه حياة".

وتابع عمرو أديب: "البن بقى بكام النهارده؟ الناس عايزة حياتها يبقى فيها الحد الأدنى من الظرافة، ميبقاش الإنسان كاره حياته لسبب أو لآخر، إن شاء الله كل حاجة تبقى كويسة".

ووافقت لجنة الخطة والموازنة بمجلس النواب، على مشروع قانون بتعديل بعض أحكام قانون ضريبة الدمغة الصادر بالقانون رقم 111 لسنة 1980، والقانون رقم 147 لسنة 1984 بفرض رسم تنمية الموارد المالية للدولة، والقانون رقم 24 لسنة 1999، بفرض ضريبة مقابل دخول المسارح وغيرها من محال الملاهى.