أحمد صيام يهاجم الإخوان بعد استغلال فيديو استغاثته
عبّر الفنان أحمد صيام عن غضبه من محاولة بعض المحطات والمواقع التابعة لجماعة الإخوان استغلال فيديو استغاثته بشأن أزمة كمبوند السليمانية، مؤكدًا رفضه التام لاستخدام الموقف في الإساءة إلى الدولة أو الزج باسمه ضد بلده.
وذكر أحمد صيام في فيديو عبر حسابه على فيس بوك: "كنت نزلت فيديو من يومين بتكلم على موقف محدد حصل، ولكني فوجئت النهارده الصبح بأن مجموعة من المحطات والمواقع التابعة للإخوان المسلمين بتحاول تستخدمه لمصالحها أو للتخبيط في الدولة، لأ خالص أنا مش هقبل ده، وعمري ما هقبل إن حد يستخدمني ضد بلدي".
وتابع أحمد صيام: "أنا يا جماعة هذه الدولة بالنسبة لي هي الأول والآخر، أن يبقى في خلاف أو مشكلة ده عادي بيحصل بين الأسرة، مش هسمح لعصابة أنها تتدخل وتستفيد من هذا الخلاف، وأنا مع الدولة من الأول للآخر، مهما كان هناك مواقف أو أخطاء مني أو من أي فرد أو جهة، إحنا ما زلنا الأسرة المصرية اللي خايفة على البلد بجد وبيحبها وبيحب النظام".
