يسرا: والدتي لها الفضل الأول والأخير في حياتي والسوشيال ميديا صعبت الدنيا

حلت الفنانة يسرا ضيفة على برنامج طريق ثالث، لإيناس سلامة الشواف، على راديو إنرجي 92.1، وقالت إن القدر أحيانا هو من يغير مسار حياة الإنسان.

وأضافت يسرا: "أحيانا بنمشي في طريق تالت وبيكون القدر هو السبب، وده نعمة من ربنا انك تمشي بطريق أحسن من الطريق اللي كنتي عايزاه".

وبسؤالها عن شخصيات كان لها أثر كبير في حياتها، قالت يسرا: "والدتي أثرت فيا بشكل كبير جداً وتعلمت الكثير من أساتذة اشتغلت معاهم على مدار السنوات الماضية فالشغلانة دي غنية جداً و صعبة تخليك تتعلم الكتير".

وعن الأشخاص السلبيين في حياتها، أضافت: "ممكن تتصدمي خلال رحلتك في ناس وإنهم يكونوا بالشر ده بس للأسف موجودين في حياتك، وهنا لازم توقفي وقفة مع نفسك علشان تحصني نفسك إنك تتوجعي".