حمو بيكا: أنا اللي طلعت حسن شاكوش للنور.. وجاملته في فرحه من غير فلوس

شن مؤدي المهرجانات حمو بيكا، هجومًا حادًا على المطرب حسن شاكوش، قائلًا :"مفيش حد أحسن مني، والناس كلها عارفة مين اللي طلع حسن شاكوش، أنا اللي طلعته للنور.. وأول أغنية عملتهاله جابت 15 مليون، حسن شاكوش لما اتشهر والغرور أخده مني بقى بيشتغل لوحده، وأنا اللي قفلتله بنت الجيران وأنا اللي فتحتها عشان حصلت مشاكل، وجاب ناس تتوسط.ز كل أغانيه بتاعتي".

وقال حمو بيكا خلال حواره مع الإعلامية بسمة وهبة، مقدمة برنامج "العرافة" على قناتي "المحور" و"النهار"، :"حسن بيحب السهر ومش بيحب الشغل وأنا مش بسهر، وهو مش مركز في شغله ووقع، وهو مش محبوب ولا مشهور أكتر مني، وروحتله الفرح عشان هو صاحبي ولازم اجامله، وبيقوله كله جاله مجاملة من غير فلوس، أمال هو دفع كل دا في ايه.. أنا اللي طلعت حسن شاكوش للنور ولما اتشهر الغرور خده مني".

ويعد برنامج «العرافة»، امتدادا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.