آسر ياسين عن دوره في مسلسل اتنين غيرنا: أراهن على شخصية حسن ولم أقدمه من قبل

حرص الفنان آسر ياسين على كشف تفاصيل شخصيته فى مسلسل "اتنين غيرنا"، المقرر عرضه في السياق الرمضاني 2026.

وقال آسر ياسين:"دايمًا رهاني الحقيقي هو الاختلاف، والمرة دي في 'اتنين غيرنا' الورق خطفني من أول لحظة، دا غير الحالة الدرامية والروح اللي مختلفة تمامًا عن أي تجربة سابقة ليَ، لأن معتقدتش إني قدمت دور رومانسي فيه دراما بالشكل ده قبل كده.

وأضاف آسر ياسين:" أجسد شخصية حسن، وهو إنسان شايل جواه ألم نفسي كبير ومخاوف خلت علاقته بالحب معقدة وشبه مستحيلة.. بيفضل كدة لحد ما بيدخل حياته شخصية نور (دينا الشربيني)، اللي بتبدأ رحلة حقيقية في تغيير واقعه وبترجعه تاني لنسخته القديمة اللي على طبيعتها."

وتابع "ياسين": المسلسل بيقدم حالة عاطفية إنسانية ومميزة جدًا، وفيها تفاصيل هتلمس قلوب الناس.. أتمنى العمل يعجب الجمهور ويشوفوا فيه حاجة جديدة ومختلفة"
وتقدم دينا الشربيني خلال أحداث العمل شخصية نور، وهي ممثلة مشهورة تعيش اضطرابا داخليا متصاعدا، بعدما تتداخل تفاصيل حياتها بين الماضي والحاضر، لتجد نفسها في صراع نفسي بين رغبتها في الاستقرار وخوفها من تكرار الألم.

أبطال مسلسل اتنين غيرنا

مسلسل «اتنين غيرنا» من بطولة آسر ياسين ودينا الشربيني، ويشاركهما عدد من النجوم، وهو من إنتاج ميديا هب، وتأليف رنا أبو الريش، وإخراج خالد الحلفاوي.