آسر ياسين: مسلسل ”اتنين غيرنا” يقدم حالة عاطفية إنسانية تمس قلوب الجمهور

أعرب الفنان آسر ياسين عن سعادته بالمشاركة فى مسلسل "اتنين غيرنا"، المقرر عرضه في السياق الرمضاني 2026، مؤكدًا أن المسلسل يقدم حالة عاطفية إنسانية ومميزة جدًا، وتحمل تفاصيل تلمس قلوب الناس".

وأكد آسر ياسين:"دايمًا رهاني الحقيقي هو الاختلاف، والمرة دي في 'اتنين غيرنا' الورق خطفني من أول لحظة، دا غير الحالة الدرامية والروح اللي مختلفة تمامًا عن أي تجربة سابقة ليَ، لأن معتقدتش إني قدمت دور رومانسي فيه دراما بالشكل ده قبل كده.

وأضاف آسر ياسين:" أجسد شخصية حسن، وهو إنسان شايل جواه ألم نفسي كبير ومخاوف خلت علاقته بالحب معقدة وشبه مستحيلة.. بيفضل كدة لحد ما بيدخل حياته شخصية نور (دينا الشربيني)، اللي بتبدأ رحلة حقيقية في تغيير واقعه وبترجعه تاني لنسخته القديمة اللي على طبيعتها."

وتقدم دينا الشربيني خلال أحداث العمل شخصية نور، وهي ممثلة مشهورة تعيش اضطرابا داخليا متصاعدا، بعدما تتداخل تفاصيل حياتها بين الماضي والحاضر، لتجد نفسها في صراع نفسي بين رغبتها في الاستقرار وخوفها من تكرار الألم.

أبطال مسلسل اتنين غيرنا

مسلسل «اتنين غيرنا» من بطولة آسر ياسين ودينا الشربيني، ويشاركهما عدد من النجوم، وهو من إنتاج ميديا هب، وتأليف رنا أبو الريش، وإخراج خالد الحلفاوي.