زينب العبد تكشف تفاصيل شخصيتها في مسلسل لينك

تحدثت الفنانة زينب العبد عن شخصيتها “بسنت” في مسلسل “لينك”، والمقرر عرضه قريبًا على قناة DMC ومنصة Watch It.

قالت زينب: “بسنت بتشتغل عند الست يسرية (ميمي جمال)، لكنها مربياها من وهي عندها خمس سنين، فبالنسبة لها بنتها فعلًا، علمتها وربّتها وصرفت عليها زي أولادها بالضبط”.

وأضافت: “الشخصية خفيفة على المتفرج لكنها سلاح ذو حدّين، لأنها لو اتقدمت باستخفاف هتضيع، فكان لازم أركز جدًا في تفاصيلها”.

وعن طبيعة الشخصية، أوضحت: “بسنت مش البنت الشغالة الساذجة اللي الناس اتعودت تشوفها، بالعكس دي بنت مثقفة ومتعلّمة، والست يسرية بتصرف عليها كويس، فبقت متطلعة على الدنيا وعارفة كل حاجة”.

كما تحدثت عن كواليس التصوير قائلة: “اشتغلت قبل كده مع الأستاذة ميمي جمال، وهي بالنسبالي زي أمي، وكمان اتبسطت جدًا بالشغل مع الأستاذ سيد رجب، والأستاذة رانيا يوسف، الجو كان كله خفة دم وسلاسة”