دينا الشربينى : انا مش بتابع السوشال ميديا لكن بحب التيك توك
قالت القنانة دينا الشربيني أنا من الشخصيات اللى بتحب تصحى بدري، رغم إن العمل الفني مواعيد التصوير فيه متغيرة ما بين الليل والنهار، جاء ذلك خلال مداخلة هاتفية لبرنامج خلاص صحينا تقديم مارينا المصري على ميجا اف ام.
وأضافت طلعت من 2022 بشخصيات كتير أثرت فيا، وإن شاء الله السنة الجاية تبقى أحلى، ومتفائلة جدا ب 2023، وعن درس السنة دي هو إني على قد ما بدي وقت لشغلي وحياتي لازم أركز برضه مع أهلي وأديهم من وقتي وطاقتي بشكل أكبر شوية.
وأما عن أكتر أغنية انبسطت وأنا بسمعها السنة دي كانت "إيه اليوم الحلو ده" لأحمد سعد، وأكتر أغنية بكيت عليها هى أغنية محمد حماقي "ما بلاش".
وردت عن سؤال ايه اكتر اعمال عجبتك، فقالت فيه أعمال كتير عجبتني السنة دي، بس أكتر عمل عجبني هو مسلسل زينة "الليلة واللى فيها"، و نفسى أسلط الضوء أكتر على الأطفال والمرأة، عشان كده عجبني جدا مسلسل "فاتن أمل حربي" لنيللي كريم.
وعن أكتر عمل استمتعت بيه هو مسلسل "كامل العدد"، واللى بصوره حاليا وهيتعرض فى رمضان 2023.
وانا مش بتابع السوشيال ميديا، بس بحب التيك توك أوي، وكلمة "تريند" بالنسبة لي مرعبة، ومش بحبها أبدا، ونفسي أجرب الإذاعة جدا، ووحشتنى أيام لما كنت مذيعة.
واختتمت قائلا أكتر حاجة اتغيرت فيا السنة دي هى إن عصبيتي بقت أقل، ودي حاجة مش سهلة، لأني شخص عاطفي جدا، وكل مشاعرى بتبان عليا، وأنا الحمد لله على طول كويسة نفسيا، وبقيت أقدر أعمل كنترول على مشاعري، ومش بسمح لأي حاجة تزعلني، ولقد كان عاما مليئا بالسعادة، بالنسبة لدينا الشربيني الحمد لله.
