عمر متولي: عادل إمام كان زملكاوي بالعند
تحدث الفنان عمر متولي، عن الميول الرياضية للزعيم عادل إمام، قائلًا إنه كان يشجع الزمالك في صغره «عندًا».
وقال خلال لقاء لبرنامج «في الاستاد»، عبر أثير إذاعة «نجوم أف إم»: «الزعيم عادل إمام كان زملكاوي زمان عندًا لأنه ملوش في الكورة، وبعدين مع الوقت بقا ليه في الكورة».
وأشار إلى أن الفنان القدير قرر متابعة كرة القدم، بعدما سمع ابنه رامي يهتف للنادي الأهلي ويشجعه بقوة.
وأضاف: «لقى ابنه رامي وهو طفل عمال يقول أهلي أهلي، وهو مش معلمه كده، لما تابع شوية حب الأهلي جدًا فبقى أهلاوي، وبعدها بطل يقول هو أهلاوي ولا زملكاوي عشان محدش يزعل».
وفي سياق متصل، روى أن والده كان محبًا لكرة القدم، موضحًا أنه أحب النادي الأهلي بسبب تشجيع والده له.
وواصل: «كنت أصحى ألاقيه قاعد بيتفرج على ماتش الأهلي وجنبه التليفون الأرضي، وكل همسة في الملعب يتصل بالفنان صلاح السعدني، والاتنين يقعدوا يتفرجوا على الماتش كده 90 دقيقة».
