”كنت زهقانة من الشغل”.. علا غانم تكشف أسباب سفرها إلى أمريكا

كشفت الفنانة علا غانم عن السبب وراء سفرها إلى أمريكا خلال الفترة الماضية، مشيرة إلى أنها قررت تأخذ أجازة من التمثيل وحياتها بسفرها إلى الخارج.

وقالت علا غانم، في تصريحات تليفزيونية ، مشيت عشان كنت محتاجة أقعد جمب بناتي أكتر.. ابتدوا يكبروا وحسيت خلاص أنهم على وش جواز، فقررت أخد إجازة مفتوحة من التمثيل وحياتي بالكامل وأروح بعيد خالص لمجتمع جديد عشان أبدأ صفحة جديدة".

وتابعت:" بناتي كانوا عايشين في أمريكا فكان لازم أروح أنا ودا كان وعد مني ليهم قبل ما نتحرك سنة 2017، كنت وعداهم أن السنة اللي جاية هي أخر سنة عشان بنتي هتتخرج في شهر خمسة".

وأضافت علا غانم، فقولت هاخد إجازة مفتوحة، أمتى هرجع مش عارفة بس كنت مبسوطة من الخطوة دي، ومحدش كان عارف أني مسافرة ومش راجعة، وإلى حد كبير كنت زهقانة من الشغل، بقالي أكتر من 20 سنة بمثل وحسيت أني محتاجة أحط بنزين".