علا غانم: دفعت 80 ألف دولار علشان اتطلق

كشفت الفنانة علا غانم، تفاصيل محاولات طلاقها مع زوجها رجل الأعمال عبد العزيز.

وقالت علا غانم: "أنا دفعت تمن طلاقي 3 مرات، في 2018 دفعت نص اللي معايا في أمريكا حوالي 80 ألف دولار، دفعتهمله عشان نتطلق في هدوء من غير ما حد يحس بينا خد الفلوس دي ونزل مصر وبخ، ودخل بيتي في مصر وقال للشغالين مدام علا لو جت محدش يفتحلها".

وتابعت :" عرفت من الشغالين بتوعي أن دا حصل، وأنا فضلت في أمريكا، وهو قاعد في بيتي في مصر مبرتع، والموضوع دا استمر حوالي 10 شهور".

وواصلت :" بعد كدا رجع أمريكا لأنه سمع أن علا بتشتغل كويس جدا وبتعمل فلوس كويسة، وقالي سامحيني أنا بحب، وهساعدك في شغلك".

وأضافت :" وبعد 7 شهور من فتح الفرع التاني من مشروع يتعبت والدكتور طلب مني راحة على الأقل شهر في البيت، ومسك الشغل بدالي ووقعهولي".