خالد بيبو: كولر ظلم لاعبين في الأهلي وكان يحلم بالمونديال

كشف خالد بيبو مدير الكره السابق ف النادي الأهلي، إن المدرب السويسري مارسيل كولر ظلم كذا لاعب في الفريق، وعلى رأسهم رضا سليم، وقال إن كولر كان شايف حلمه إنه يقود الأهلي ف كاس العالم للأنديه، حتى لو ضحّى بأي حد عشان يوصل.

وقال بيبو في تصريحاته على قناة إم بي سي مصر إن بعض اللاعيبه كانت بتيجي تسأله عن سبب عدم مشاركتهم في المباريات، لكن كولر مكانش بيحب ده وكان شايف إن اللاعيبه المفروض يكلموه هو شخصيًا مش مدير الكوره، وده كان بيخليه ساعات متضايق.

وأكد كمان إن كولر فضل لاعبين زي موديست عشان كان بينفذ فكره، لكن ده جي على حساب لعيبه تانيه زي كهربا، أفشه، أحمد عبد القادر وأليو ديانج، واللي مكانوش بياخدوا فرص كفايه.

وأضاف إن رضا سليم كان ماشي كويس جدًا، وكان يستحق وقت أكبر ف الملعب، وإن موديست خطف وقت كبير من كهربا، مع إن كهربا من اللاعيبه اللي بتفيد الفريق وبيعرف يسجل.

واختتم بيبو كلامه إن كولر مكانش اتأثر برحيل المترجم، وكان عنده هدف واضح وهو المشاركه في كأس العالم مع الأهلي.