رسالة مؤثرة من ملك زاهر إلى شقيقتها ”ليلى” بعد زفافها.. ماذا قالت؟
وجهت الفنانة ملك زاهر رسالة مؤثرة لشقيقتها ليلى وذلك عبر حسابها الرسمي بموقع "إنستجرام"، متضمنة فيديو خاص يستعرض رحلتهما معًا منذ الطفولة وحتى لحظة زفاف الأخيرة.
وكتبت ملك في رسالتها:"ومحدش فيهم عاش اللي أنا وأنتي عشناه.. من أول ضحكة وإحنا أطفال لحد لحظة كتب كتابك.. كل لحظة في الفيديو ده هو عمر كامل بينا، هو حب، وأمان، وضحك، ومشاركة، علاقتي أنا وأنتي مش شبه أي حد.. مش مصدقة إن الوقت جري كده.. كنّا لسه صغيرين، وبنتخانق على اللبس، وبنستخبى من ماما، وفجأة… لقيتك لابسة فستانك الأبيض، أحلى عروسة شافتها عيني.. أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة… بس طول عمري حاسة إنك بنتي مش أختي.. إمبارح بنتي إلي كانت بتتجوز مش أختي، وأنا الفرحة مش سيعاني، بس في نفس الوقت… وحشتيني قوي من دلوقتي..إنتي مش بس أختي حبيبتي.. إنتي أحلى حاجة حصلتلي في حياتي.. وهفضل دايمًا أقرب واحدة ليكي، أحنّ حضن، وسند من غير كلام.. ربنا يسعدك يا روحي… ويخليكي دايمًا قلبك مرتاح مع عريسك الي ربنا يحفظهولك و يفضل يسعدك العمر كله..وانا دايمًا جنبك… في كل خطوة.
وأضافت: "بحبك يا عروستي الحلوة.. اللهم احفظ أختي وزوجها من كل سوء، وبارك لهما في حياتهما، واصرف عنهما الحسد والشر، وأدم عليهما السكينة والمودة".
كانت ليلى زاهر قد احتفلت بزفافها على المنتج والفنان هشام جمال أول أمس بمنطقة سقارة وسط حضور فني وإعلامي ضخم من المشاهير.
