طه دسوقي عن موت مفتاح في مسلسل ولاد الشمس: مكنش عنده حاجة يعيش علشانها

كشف الفنان طه دسوقي عن تفاصيل دوره في مسلسل "ولاد الشمس"، وشخصية "مفتاح" التي قدمها وكانت بمثابة تحدٍ جديد له، بعيدًا عن أدواره الكوميدية المعتادة.

وخلال لقائه مع الإعلامية منى الشاذلي، في برنامج "معكم منى الشاذلي"، مساء الأربعاء، المذاع عبر شاشة ON، قال "دسوقي": "من أول ما أنا ومالك بدأنا نحلم بالمشروع، كنا بندور على علاقة تربط الشخصيتين، لحد ما طلع مالك بالفكرة الهايلة إن كلهم هيكونوا إخوات. ومن هنا بدأنا نشتغل على علاقتهم بشكل أعمق، مش بس من خلال السكريبت، لكن كمان من خلال فهمنا لبعض كممثلين".

أشار إلى أن التعاون مع أحمد مالك كان له تأثير كبير على تطور الشخصية، موضحًا: "زي ما بيقولوا في ورش التمثيل، الممثل اللي بيشتغل معاك في المشهد اسمه partner، ومالك كان من أحلى الشُركاء اللي اشتغلت معاهم. كان بيساعدني أضيف تفاصيل للشخصية عشان نوصل لحالة حقيقية تخلي الناس تحس إن الاتنين دول إخوات بجد".

أما عن ملامح شخصية "مفتاح"، فقال "دسوقي": "هو مختلف عن (ولعة) - شخصية أحمد مالك- تمامًا، مفتاح هو الشخص الهادئ اللي بيحاول يكون العقل المدبر، وده طالع من التروما اللي عنده بسبب العيلة اللي سابته. هو شخصية جوانية مش بيظهر انفعالاته بسهولة، ودي كانت نقطة مهمة في الأداء".

وبسؤاله عن قرار موت "مفتاح" ضمن أحداث العمل، قال طه دسوقي: "مكنش عنده حاجة يعيش عشانها خلاص".

في سياق مختلف، تحدث الفنان أحمد مالك، عن الـ"فورمة" التي ظهر بها في المسلسل من أجل شخصية "ولعة"، موضحا أنه اتبع نظاما غذائيا إلى جانب العمل مع المدرب يوسف إدريس لمدة شهرين حتى يظهر بذلك الشكل ضمن الأحداث. مشيرا إلى أنه كان يلعب ملاكمة في طفولته.

أوضح "مالك" أن والده كان بطلا للملاكمة على مستوى الجمهورية، وخلق لديه شعور بحب الملاكمة منذ صغره. مضيفا: "دخلت بطولة القاهرة مدارس وأنا في إعدادي تبع المدرسة وأخدت مركز تاني، وكنت هدخل المنتخب الأوليمبي لكن مكملتش".