آية سماحة ترد على منتقدي قبلتها لزوجها أمام الكاميرات: هو احنا بنتجوز ليه؟
ردت الفنانة آية سماحة، على الانتقادات التي توجه لها من الجمهور بسبب اختيارات ملابسها «الجريئة»، مشددة أنها لا تتعمد لفت الأنظار.
وقالت خلال استضافتها في برنامج «أسرار» مع الإعلامية أميرة بدر عبر شاشة «النهار»: «مبتعمدش خالص، أنا بحب ألبس اللي يناسبني في المكان المناسب، وبالنسبة لفساتين الريد كاربت عادية جدًا، مفيهاش أي شيء مستفز علشان آخد نقطة معينة».
وحول الانتقادات الموجهة لها بسبب تقبيل زوجها أمام الكاميرات، تساءلت مستنكرة: «أحب أعرف وجهة نظر الناس اللي بتقول كده، هو احنا بنتجوز ليه؟ نخلي إيه قدام الكاميرات؟ نخلي الحاجات الوحشة!؟».
كما تطرقت إلى خوفها من الحسد والطاقة السلبية، قائلة: «بحس إن فيه ناس مركزة في حياتك بدون سبب، والحسد طاقة وحشة مجرد وجوده بيأذيني بشكل أو آخر، وبتظهر في عين الحاسد».
واعتبرت أن علاقتها بالله وصلاتها هي حصنها من الحسد، مضيفة: «أنا فيه علاقة بيني وبين ربنا بحس أنها كفاية تحصني من أي حاجة، أنا بحب أصلي جدًا حتى أحافظ على علاقتي بربنا، وأقابله 5 مرات في اليوم، بنتكلم، دي بالنسبة لي كفاية».
