سامح حسين يقدم نصائح لتحقيق النجاح: صدق نفسك
شدّد الفنان سامح حسين، على ضرورة أن يُصدِّق كل شخص قدرته وإمكانياته من أجل تحقيق النجاح.
وقال خلال برنامجه «قطايف» الذي يُبث عبر حساباته على مواقع التواصل الاجتماعي: «لو فتِّشت في كل قصص النجاح اللي سمعتها في حياتك هتلاقي شيء مشترك موجود في كل القصص دي وهو إن أصحابها صدَّقوا نفسهم واشتغلوا على نفسهم ليل نهار فالدنيا صدّقتهم».
وأضاف: «كل إنسان ربنا سبحانه وتعالى خلقه مميز نسخة فريدة من نوعها.. بصمة إيدك مش هتكرر في إنسان تاني عاش قبلك أو لسه هيعيش بعدك.. واللي خلق بصمة صباعك بالتفرد ده أكيد مخلقهاش هي بس علشان تبصم بها على قائمة الزواج وخلاص.. لأ.. بصمة روحك كمان مميزة».
وتابع: «كل إنسان فينا جواه كنز، اللي بيعرف يمثل واللي بيعرف يكتب، واللي صوته حلو واللي حريف كورة واللي حريف شطرنج واللي لسانه حلو واللي ذاكرته قوية واللي واللي واللي.. لو قعدنا نعد المواهب مش هنخلص.. ربنا عادل جدًا مش ممكن يدي حد حاجة ويحرم حد تاني».
ولفت إلى أنه من أجل تستمر الحياة فلابد لكنز كل شخص أن يكون مختلفًا عن غيره، معقبًا: «على رأي عمنا توفيق الدقن، لو كلنا بقينا فتوات هين اللي هينضرب».
واستكمل: «مهتمك إنت بقى إنك تلاقي الكنز بتاعك وتحافظ عليه وتستثمر فيه.. ولما تحس إنك ماشي في طريق مش بتاعك متكملش لف عند أقرب يوتيرن وارجع».
