إلهام شاهين ترد على الجدل حول الصلاة في موقع التصوير: كان ممكن نخلص المشهد الأول
علقت الفنانة إلهام شاهين٫ على تصريحاتها بشأن الصلاة٫ قائلة: “المضحك بالنسبة لي إن هذا حدث منذ أكثر من 20 سنة”.
وأضافت خلال لقائها مع برنامج “سابع سما”٫ على قناة “النهار”٫: كنت بعمل مسلسل وإحنا في نص المشهد٫ وكنا قاعدين قدام الكاميرات منتظرين٫ لقيناهم طولوا والمصورين سابونا والأنوار طفيت٫ وخرجت أشوف فيه إيه لقيت المخرج جامع الناس في الاستوديو بيصلوا جماعة”.
واسترسلت: “استنيت لما هما خلصوا المشهد وقولت رأيي بعدها وقولتلهم إن المشهد كان ممكن يخلص بعد ٥ دقائق وكان يجرى إيه لو نخلص الشغل وبعدين تصلوا”.
وتابعت: أنا مش بمانع إن حد يصلي إحنا في مصر بنصلي ممكن مش أول ما الأذان يأذن.. لو حد عنده شغل أو بيعمل حاجة بيخلصها وعنده وقت كافي يصلي”٫ لافتة: “مثلا بين صلاة الظهر والعصر فيه حوالي ٣ ساعات ونصف ممكن نصلي في أي وقت خلال الـ3 ساعات ونصف٫ فيه وقت بين مواعيد الصلوات مسموح لنا نصلي فيه”.
