أديب محذرا النادي الأهلي: ”قولتلكم اللي فات حمادة واللي جاي حمادة”

عقب الإعلامي عمرو أديب، على أداء نادي الزمالك الفترة الأخيرة، قائلا: "أيوة اتهزمنا في فاركو، أيوة عندنا لاعيبة بتشرب شاي في الملعب، أيوة إحنا لوكال مش انترناشيونال، وملناش في البطولات السنادي".

ووجه أديب، خلال برنامج "الحكاية" المذاع عبر فضائية "إم بي سي مصر"، رسالة إلى مشجعي النادي الأهلي الذين وصفوا أداء فريقهم أمام ريال مدريد بالمشرف، قائلا: "لو مكنش مشرف كان هيبقا كام، ملك إفريقيا اتغلب أربعة وأنا قولتلكم اللي فات حمادة واللي جاي حمادة، وفي فرق بين الكرة الأسبانية وعندنا".

وأضاف، "4 أهداف كتير.. وإيه الحكمة أنك تلعب كهرباء آخر 3 دقائق في المباراة، هو إنت فاكر كهربا فيشة هينزل يحط الجون.. وطلع حسين الشحات اللي ملعبش كويس بالشكل ده من 5 سنين، أنا مدين للشحات باعتذار، لو الأهلي بكرة اتغلب جامد هذه البطولة ستمحى من سجلاته".

وتابع، “مباراة الأهلي أمام ريال مدريد مكانش ماتش على الواقف كان على قاعد، لو الأهلي اتغلب تاني 3 ولا 4 هيبقا زي ما روحنا زي ما جينا”.