”مش هتليق عليا”.. هايدي موسى: صعب أغني راب أو مهرجانات

تألقت المطربة الشابة هايدي موسى، في غناء أغنية "وحياتك وغلاوتك عندي" خلال حلولها ضيفةً على برنامج "حد النجوم" من قلب مدينة العلمين الجديدة.

وأكدت هايدي موسى، خلال لقائها ببرنامج "حد النجوم" مع الإعلامية سارة حازم طه، المُذاع على قناة "أون"، أن مدينة العلمين الجديدة مميزة هذا العام، مشيرة إلى أن المدينة شهدت تطورًا معماريًا مذهلًا.

وقالت المطربة الشابة، "مش أول مرة أزور العلمين لكن التطور المعماري جابلي ذهول بصراحة السنة دي".

وحول حبها للأغاني الطربية، قالت "بحاول أوازن بين الأغاني الطربية والأغاني اللي بيحبها الجمهور، وبحاول طول الوقت أفرض الحاجة اللي مصدقاها وحباها للجمهور، وخلال مشواري قدمت أغاني مش راضية عنها، لأن منتجين بيقولوا مش لازم تعمل بس اللى بتحبه، لكن قدم الحاجة اللى بيحبها الجمهور".

وتابعت "المزيكا اليومين دول اتطورت بشكل كبير، والحاجة الوحيدة اللي محدش بيختلف عليها هي الكلمة الحلوة، والمعنى".

وأشارت إلى أن أغاني المهرجانات والراب موجودة في السوق، وهي تحب كل الأنواع الموجودة، ولكن تحفظها فقط على الكلمة البذيئة، مواصلة: "بحب أغني الأغاني اللي مصدقاها، وعشان كده صعب أقدم راب أو مهرجانات، ده مش الاستايل بتاعي".

ويُقام مهرجان العلمين في نسخته الثانية في مدينة العلمين الجديدة، وسط فعاليات مختلفة تناسب جميع الفئات العمرية، وتشهد فعاليات المهرجان إقبالًا كبيرًا من الجمهور سواء من المصريين أو العرب او الاجانب.