رشوان توفيق: زوجتي كافحت معايا 62 عاما وتحملت الحلوة والمرة

قال الفنان رشوان توفيق، إن فضل الله عليه عظيم، ودائما ما يقول إنه مهما شكر الله سبحانه وتعالى، فلن يوفيه ذرة من نعمه عليه.

وأضاف «توفيق» خلال لقائه ببرنامج «العاشرة»، المُذاع عبر فضائية «إكسترا نيوز»، مع الإعلامي محمد سعيد محفوظ: «عمري في حياتي ما عملت تنازلات أخلاقية، ممكن أمر بظروف اقتصادية تخليني أعمل دور ميعجبنيش، لكن ربنا بينفخ في صورته، ربنا يطلع منه حاجة كويسة».

وأشار إلى أن «ربنا من عليا بزوجة صالحة، كافحت معي كفاحا مريرا لمدة 62 عاما، تحملت الحلوة والمرة، وأمي من أولياء الله الصالحات، وأنا صغير مكنتش بصلي، ولما تتوضى هي كانت بتبكي فأقولها بتعيطي ليه وإنتى بتتوضي، وهي بتتوضى بتحب ربنا، وتردد: أنقذ شعري من النار يا رب، وتبكي».

وأوضح: «لما أولادى كانوا بيسافروا مقدرش أقعد في البيت، فكنت أروح أنام عند ماما، وأقعد أصلى في الأوضة عندها وهي نايمة، وألاقيها بتتكلم مع العالم الآخر، ولما أمي الله يرحمها كانت بتقول حاجة كانت بتحصل».