شمس تكشف سر خلافها مع حمو بيكا: ”قبلت اعتذاره”
كشفت الفنانة شمس موقفها من اعتذار مطرب المهرجانات حمو بيكا لها بعد الخلافات التي حدثت بينهما مؤخرًا، موضحة أنها قبلت اعتذاره والتزمت الصمت.
وقالت شمس: مفيش أي خلافات بيني وبين حمو بيكا والناس مفهمتش الموضوع صح، ولما أتأسف مردتش أقول، لأن أي حد هيقول إني عايزه أركب التريند، والولد طلع محترم جدًا واعتذر لي، وأنا قبلت الاعتذار منه في صمت، والموضوع بالنسبالي منتهي خلاص.
وسبق وتحدثت شمس خلال لقاء صحفي، عن سبب ابتعادها خلال الفترة الأخيرة عن الأعمال السينمائية والدرامية، قائلة: مريت بظروف صعبة بعد وفاة معظم أهلي، وأخويا الصغير عمل حادثة وبعدها اتوفى، أخويا التاني مات، ودي كانت صادمة كبيرة بالنسبالي.
وأضافت: وربنا لما افتكر إخواتي مكنتش قادرة أشتغل خالص، واتعرضت لحالة اكتئاب شديدة ومكنش ليا نفس اشتغل، كنت بنام معظم الوقت ودا مش كفر بالله، ولكن الصدمات كانت قوية عليا وأزمة ومرت الحمد لله.
