أميرة عبيد تطمئن مسنة مشردة على الهواء: كلنا أولادك ومش هنسيبك
طمأنت الإعلامية أميرة عبيد، سيدة عجوز مشردة، تدعى الحاجة سيدة عبد الرحمن، على الهواء، بعد أن طردها أبنائها في الشارع لتلقى المجهول في ظل معاناتها من المرض.
وقالت أميرة عبيد خلال تقديمها برنامج "هي وهما" على قناة الحدث اليوم، إحنا هنا كلنا أولادك ومش هنسيبك وهنفضل معاكي، لكن بستغرب جداً لما بشوف ابن أو ابنة كبار ناضجين عندهم وعي وفهم للحياة وللدين كويس قوي وعارفين إن عقوق الوالدين كبيرة من الكبائر ومع ذلك بيعملوا ده بجدارة وبدون خوف وبدون رحمة والأغرب من كده انهم بيتجوزوا و بيخلفوا أطفال وبيعلموهم الطاعة واحترام الوالدين وهما في الأساس راميين أمهم في الشارع !!.
تابعت، الحاجة سيدة عبد الرحمن ست انجبت ٣ ولاد و٣ بنات تعبت وربت وشقيت عليهم لحد ما اصبحوا ٣ رجالة و ٣ سيدات واتجوزوا وخلفوا وكلهم دلوقتي فاتحين بيوت و سايبين أمهم المريضة في الشارع بتموت".
