مروة نصر تتهم روبي بسرقة أغنيتها.. التفاصيل الكاملة

اتهمت المطربة مروة نصر صناع أغنية المطربة روبي "الليلة حلوة" والتي طرحتها مؤخرًا بطريقة الفيديو كليب، والتي تتشابة كلماتها مع اغنية مروة نصر "حلوة السهرة" والتي طرحتها شهر سبتمبر 2023.

وكتبت مروة نصر، على حسابها الرسمي على فيسبوك: "سرقة مش توارد خواطر، نزلت برومو أغنية (حلوة السهرة) من كلمات وألحان صديقي وأخويا عزيز الشافعي وإنتاج المنتج محمد علام، وحصلت أحداث فلسطين أجلت الأغنية حداد على إخواتنا يقوم شاعر وملحن محترمين سارقين فكرة الأغنية وعاملينها ومدينها لمطربة تانية، عيب عليكم ارتقوا شوية وخلي عندكم ضمير حتى عاملينها وحشة أوي".

كلمات الأغنية:

هي القاعدة دي اللي حلوة وناسها حلوة
ويومنا دا شكله جميل
خدنا أهو من الفرحة وصلة، دماغنا فاصلة
ورايقين طول الليل
طب هي القعدة دي اللي حلوة وناسها حلوة
ويومنا دا شكله جميل
خدنا أهو من الفرحة وصلة، دماغنا فاصلة
ورايقين طول الليل
والليلة حلوة.. الليلة دي حلوة.. القاعدة حلوة
إيه الجو العسل ده؟.. إيه الموود القمر ده
هو الروقان ده اللي ناقصنا
والليلة حلوة.. الليلة دي حلوة.. القاعدة حلوة
إيه الجو العسل ده؟.. إيه الموود القمر ده
هو الروقان ده اللي ناقصنا
عليّ يابني الصوت شوية.. كمان شوية
ده في مغنى ده في مغنى وفي رقص
سقف يابني، وأنت طبل ده يومنا يهبل
ومتعبناش بالعكس
والليلة حلوة