محمد موسى: العثور على مقبرة لهياكل حمير في الفيوم شيء يخوف.. فيديو

علق الإعلامي محمد موسى، على واقعة العثور على مقبرة جديدة لهياكل حمير في صحراء الفيوم للمرة الثالثة.

وقال محمد موسى خلال تقديم برنامج "خط أحمر" على قناة الحدث اليوم، إن الأهالي عثروا على أكثر من 100 حمار مذبوح وملقاة هياكلها في منطقة الحامول بمحيط محمية وادي الريان بالقرب من الشلالات بمحافظة الفيوم، قام بعض المجهولين بذبحها وسلخ جلودها.

تابع، الحقيقة الشيء اللي يخوف هو أن اللحوم دي تكون طرحت في فترة سابقة للبيع في الأسواق، والحقيقة متسائلا زي أي حد ممكن يتفزع من خبر زي ده أيه مصير اللحوم بتاع الحمير دي راحت فين.

أضاف: "ضروري نعمل متابعة جدية للوقائع دي لأننا بنتكلم عن صحة المواطن.. بنتكلم عن انعدام الضمائر.. بنتكلم عن تجار السم.. أه اللي بيعملوا الكلام ده بيتاجروا في السموم وبيأذوا الناس في صحتها".