أميرة عبيد للزوجات: بلاش خلفة في حياة مش واضحة مع رجالة لا تؤتمن

أعربت الإعلامية أميرة عبيد، عن استيائها الشديد من ارتفاع نسب الطلاق خلال الفترة الماضية، في ظاهرة غريبة تهدد استقرار المجتمع.
وقالت أميرة عبيد خلال تقديمها برنامج "هي وهما" على قناة الحدث اليوم، "الغريب في الموضوع إن المفروض الطلاق ده يكون نهاية المشاكل ونهاية التعاسة الزوجية ولكن للأسف دلوقتي الطلاق أصبح بداية المشاكل والانتقام، وفي الآخر اللي بيدفع التمن والضحية في الموضوع الأطفال.. بستغرب من أشباه الرجالة اللي بعد الطلاق يروحوا يسهروا ويصرفوا ويعيشوا حياتهم ويرفضوا يدفعوا نفقة ولادهم لمجرد إن الراجل ده عايز ينتقم من طليقة اللي كانت في يوم من الأيام شايله همه وبتنام جنبه وأم أولادة
تابعت،: "يا جماعة لو سمحتوا بلاش خلفة كتير في حياة مش واضحة.. المفروض إحنا دلوقتي في عصر الثقة والفهم بلاش نخلف من ناس لا تؤتمن بلاش نظلم أطفالنا وبلاش نتجوز بدون ما نختار صح الجواز مش قصة حب، الجواز شقى ومسؤولية الجواز محتاج رجالة تخاف ربنا وستات تربية رجالة".