كارثة محصلتش في أفلام الرعب.. أميرة عبيد تكشف تفاصيل جريمة هزت القليوبية… فيديو

كشفت الإعلامية أميرة عبيد، تفاصيل مثيرة في واقعة إصابة ربة منزل وطفلتها بتشوهات نتيجة إلقاء سائق مياه نار عليهما حال استقلالهما توك توك على طريق قرية سنبيس – قها دائرة مركز شرطة القناطر الخيرية.
وقالت أميرة عبيد خلال تقديمها برنامج "هي وهما" على قناة الحدث اليوم، كارثة محصلتش حتى في أفلام الخيال العلمي، مش عارفة المصيبة دي حصلت قضاء وقدر ولا انتقام مستبد من إنسان مجرم أعمي القلب والنظر؟ ! هو فعلا أثناء ارتكاب الجريمة كان اعمي القلب والنظر.
تابعت،: المشكلة بدأت لما جار إسلام، المزارع اشترى عربية ميكروباص وشغل عليها سواق، وإن جارهم صاحب العربية على علاقة غير شرعية مع مرات السواق و إن السواق ومراته اتفقوا علي المجرم ومضوه على وصلات أمانة، وصاحب العربية أراد الانتقام من مرات السواق اللي ضحكت عليه واللي كانت علي علاقة معاه، وجاب 15 لتر مية نار وحطهم في جردل واستني مرات السوق تركب توك توك عشان وهي نزلة منه هيرمي عليها مية النار في مكان يكون بعيد عن الناس".

أكملت، الحظ الأسود والمنيل إن في نفس التوقيت كانت مرات إسلام وبنتها ليلي راكبين توك توك ورايحين لإسلام عشان خارجين يتفسحوا المجرم اعمي البصر والبصيرة رمي مية النار علي أول توك توك خارج من القرية اللي فيه ليلي ومامتها مش اللي فيه مرات السواق المقصودة".