أميرة عبيد للزوجات: لو زوجك ضربك قلم رديه اتنين.. خليكي شجاعة
وجهت الإعلامية أميرة عبيد، رسالة إلى الزوجات، قائلة: كل ست تعرضت وبتتعرض للعنف يومياً علي يد جوزها لو فهمت وأيقنت ان رزقاها في إيد ربنا مش في إيد جوزها كانت مع أول قلم خدته ردته اتنين ومشيت وخلصت المشكلة".
وأضافت أميرة عبيد خلال تقديمها برنامج "هي وهما" على قناة الحدث اليوم، علشان نقدر نحد ونقضي علي العنف ضد المرأة محتاجين نقول يا رب مش يا زوج محتاجين نقول يا قانون مش يا صبر بكره هيتغير محتاجين شجاعة المرأة الحرة اللي بتحارب العنف مش اللي بتساعد عليه بخوفها وضعفها.
تابعت، لازم كل ست تعرف إنه لا حياة مع العنف ولا عنف مع الأنثى .. مستحيل الست تعيش مع راجل سام نرجسي عنيف ، الست لازم تفهم ان ربنا خلقها حرة مينفعش راجل يستعبدها مهما كانت ظروفك اتحرري وأنقذي أطفالك من البيئة السامة دي حتي ولو معندكيش شغل ولا مصدر دخل اوعي تسجني نفسك و تدمري أطفالك مع إنسان عنيف".
