محمد موسى ردا على أمينة شلباية: ”لازم تكشفي وتتعالجي بسرعة”

علق الإعلامي محمد موسى، على تصريحات خبيرة الاتيكيت والإعلامية أمينة شلباية، والتي جاءت فحواها: "لو جوزك إتكرع قدامك اخلعيه".
وقال محمد موسى خلال تقديم برنامج "خط أحمر" على قناة الحدث اليوم، والنبي ده كلام يعني الناس تعبانة وكل واحد فيه اللي مكفيه كل راجل مطحون عشان يكفي بيته والست طالع عينها عشان تربي ولادها والمجتمع بيعاني من ارتفاع نسب الطلاق وتيجي إنتي تنصحي الستات تخلع وتتطلق لو جوزها اتكرع ؟
تابع، طيب لو كلامك ده هزار ياريت متهزريش تاني عشان هزارك بايخ وغير مقبول، ولو بتتكلمي بجد هقولك أنتي في خطر ولازم تكشفي وتتعالجي بسرعة عشان ده مش كلام ناس عاقلين ، ده لو حد متأجر عشان يهدم الأسر مش هيقول الكلام ده .. بجد عيب في حقك وعيب في حق مصر بجد شكلنا بقي وحش قدام الخارج".