ميرهان حسين تكشف تفاصيل مثيرة عن حياتها الخاصة: الراجل من حقه يتدلع
حلت الفنانة ميرهان حسين ضيفة على برنامج «كلام الناس» الذي تقدمع الإعلامية ياسمين عز عبر شاشة «MBC»، وتحدثت عن تفاصيل مثيرة حول حياتها الخاصة من ضمنها الزواج ومعايير اختيارها لشريك الحياة.
وقالت ميرهان حسين في برنامج «كلام الناس»: إن الراجل يكون راجل دي أهم صفة فيه، وإنه يكون شخص محترم وبيحترم نفسه عشان يحترمني ويحترم كل علاقاته مع كل الناس، وأهم حاجة عندي الأمان لو فيه علاقة مفيهاش أمان هتبقى مش مظبوطة، يكون واثق فيا، ويحبني زي ما أنا.
وأضافت ميرهان حسين: « لو لقيت حاجة تيجي على حساب حاجة أنا هقرر ابتعد، ولكن يكون قرار من جوايا مش منه هو».
واستكملت حديثها: الراجل من حقه يتحب ويتدلع، لكن لازم يكون في تعاون بين الطرفين، وأنا مش فارق معايا لا جواز ولا خلفة أنا أهم حاجة عندي إني اكون سعيدة، ومقبلش اكون زوجة تانية عشان أنا زي الفريك محبش شريك.
وتابعت: «بطلب من المخرجين والمنتجين والمؤلفين إنهم يشوفوا في الفنان الحاجة اللي مش متشافة مليون مرة لأن دي حاجة بتستفزني وبتضايقني وبتستفز ناس كتير، ودي حاجة عنيت منها وخلتني أقعد في البيت كتير ودخلت في حالة ركود».
وأضافت: «اجازة مفتوحة من الـ سوشيال ميديا والمكالمات والالتزامات والمجاملات والتواجد من أجل الاخرين مش هكون موجودة ولا عايزة حاجة من حد ولا حد يعوز مني حاجة واللي زمان أنا عيشته لغيري أنا دلوقتي هعيشه لنفسي، تعبت وأشعر بعدم التقدير لشخصي ولموهبتي.. ولم أعتد البقاء في مكان ومع أشخاص لا تقدرني.. تعبت.. لذلك اعتزل».
