فريدة سيف النصر تحكي معاناتها مع الحسد: ”علطول محسودة”
حكت فريدة سيف النصر عن تجاربها مع الحسد وكشفت عن مواقف اعتبرت أنها إشارة لتعرضها للحسد بعد تعليقات على جمالها وموهبتها.
وعن مشاركتها في مسلسل جعفر العمدة، قالت الفنانة فريدة سيف النصر خلال لقائها مع برنامج مساء دي إم سي مع الإعلامية إيمان الحصري: "مشاركتي في مسلسل جعفر العمدة أول عمل لي مع المخرج محمد سامي، وقدمت دور مهم في هذا العمل الفني الذي تصدر السباق الرمضاني العام الحالي".
خلال اللقاء تحدثت الفنانة عن ما أسمته وصفة فريدة وهي الوصفة التي تستخدمها للحفاظ على صحة شعرها، لافتة إلى أنها تتجه لقص الشعر حاليا لعدم وجود طاقة لديها للاهتمام به قائلة: "إحنا لما بنكبر مابيقاش عندنا طاقة وزمان كنت أقعد أسرح وأعمل في شعري ولو أقدر أقص أكتر من كده وأبقى راجل هعملها لأن إحنا الستات بنتعب قوي".
وعن سر الوصفة التي تجهزها لنفسها قالت: "درست أعشاب والطب النبوي ووصلت لتركيبات بيعملوها على بعضها ودلوقتي بيعملوها وبياخدوا منها ومازلت بعملها وبعمل تركيبات مهمة وبقولها لأصحابي وبيفتكروا أنك هتعملي حلقات عن الموضوع ده وتكسبي".
وتحدثت فريدة سيف النصر خلال الحلقة عن معاناتها مع الحسد قائلة: "أبقى واقفة خلال التصوير والديكور يروح واقع على دماغي والإضاءة وقعت عليَّ والمخرج وهو بيرجع لورا يروح راجع على ضافري يطيره والخاتم اتكسر ودخل جوا صباعي.. مرة واحد سمع صوتي فقال لي هايلة تاني يوم صوتي راح وبقى مبحوح، فأنا على طول محسودة".
وعن حقيقة خضعها للتجميل قالت: "أنا ما عملتش أي عمليات تجميل ومش عارف بيطلعوا عليَّ شائعات ملهاش أساس ليه، التجاعيد اللي ظهرت لي دي طبيعية لإني خلاص كبرت في السن".
