تنوع غير مسبوق.. المخرج عمرو سلامة يشيد بأفلام موسم عيد الأضحى 2026

أشاد المخرج عمرو سلامة بالتنوع الذي يشهده موسم أفلام عيد الأضحى، حيث كتب عبر حسابه بموقع فيسبوك: "بعيدا عن ظروف الموسم السينمائي ده، في نقطة إيجابية مهمة. الموسم ده أول موسم من سنين يكون الأربع أفلام المتنافسة فيه من أنواع (Genres) مختلفة ومتنوعة. فيلم أكشن ضخم، فيلم ملحمي تاريخي، فيلم كوميدي اجتماعي، فيلم دراما رومانسي".

وتابع: "مصر سوق سينمائي المفروض يتحمل تنوع في الأعمال، بس الغريب إن في شح في أنواع معينة وده مش لايق على صناعة بحجمنا، الحجة الكسولة إن "الأنواع دي مابتنجحش"، مع إن الحقيقة إنها بس فيها كام تجربة غير موفقة ولما اتعملت حلو زمان نجحت".

واستطرد: "ناقصنا الفيلم الموسيقى الاستعراضي، وتاريخنا مليان أفلام منهم كسرت الدنيا، مثالا (خلي بالك من زوزو) و (أبي فوق الشجرة) عندنا شح غير مفهوم لأفلام الرعب، الغموض، الخيال العملي، الرسوم المتحركة. علشان ده يحصل محتاجين كتاب ومخرجين برؤية جريئة، ومنتجين عندهم حس المغامرة المحسوبة، وأتمنى ده يحصل قريب، وشايف شواهد مخلياني متفائل إنه هيحصل".

وأردف، "تحية لكل فنان حاول يعمل حاجة مختلفة وتحية لكل إنسان نزل راح السينما وماتفرجش على الأفلام على" IPTV.