الزراعة: تراجع أسعار الطماطم خلال أيام.. الكيلو هيوصل 25 جنيها

أكد الدكتور خالد جاد، المتحدث باسم وزارة الزراعة، أن ارتفاع أسعار الطماطم خلال الفترة الحالية أمر طبيعي بيتكرر كل سنة في نفس التوقيت، بسبب انتهاء العروة الشتوية وبداية دخول العروة الصيفية.

وقال خلال مداخلة هاتفية مع الإعلامية روان أبو العينين في برنامج "صباح البلد" المذاع على قناة صدى البلد: "هو السبب الرئيسي إن إحنا كل سنة في نفس الميعاد ده بيحصل ارتفاع لأسعار الطماطم، لأننا بنكون في انتهاء للعروة الشتوي وبداية دخول العروة الصيفي، والطماطم بتتزرع أكتر من مرة في السنة، ولما العروة تخلص بيتم زراعة عروة جديدة".

وأضاف: "نهاية العروة جات مع شهر رمضان الكريم والضغط الكبير على الشراء، وده اللي رفع السعر بالشكل المبالغ فيه، لكن العروة الصيفي المبكرة بدأت تدخل الأسواق، وإن شاء الله السعر يبدأ ينخفض خلال الأسبوعين القادمين".

وأوضح: "هنشوف الطماطم بـ35 جنيه خلال أيام، وبعد كدة تنزل لـ25 جنيه، وتستمر في الانخفاض لحد ما ترجع لسعرها الطبيعي".