مروة ناجي تكشف عن أصعب موقف على خشبة المسرح

كشفت الفنانة مروة ناجي لأول مرة عن أصعب اللحظات التي واجهتها على خشبة المسرح خلال أحدث لقاء تليفزيوني أجرته.

وقالت مروة إنها تعرضت أكثر من مرة لموقف صعب مثل حدوث قطع في فستانها، لكن الأصعب كان فقدانها للذاكرة.

وقالت: "حصلي كتير أن الفستان يتقطع، المشكلة أن الفستان دايماً آخر مرحلة في التجهيزات، بلبسه ويبقى فاضل 10 دقايق قبل الصعود على المسرح وبيكون موقف صعب.

وتابعت: حصلتلي كارثة مرة وأنا بغني على المسرح، فقدت الذاكرة بشكل سريع، كنت في الإسكندرية في المسرح الروماني وجمهور كبير وبغني "يا حبيب الروح" لليلى مراد، خلصت أول كوبليه والمفروض أبدأ في تاني كوبليه ومغنتش، وفجأة لقيت المايسترو صلاح غباشي وهو أب روحي بالنسبة ليا، بدأ يقرب لي علشان أغني الكوبليه التاني، مكنتش عارفة هو مين وفجأة نسيت اسمي ومش فاهمة أنا واقفة على المسرح ليه".