أشرف زكي عن أزمة رامز وأسماء جلال: إللي حصل كان هزار.. والدنيا سخنت بسبب السوشيال ميديا
أكد الدكتور أشرف زكي، نقيب المهن التمثيلية، أن الأزمة بين الفنانة أسماء جلال والفنان رامز جلال جاءت نتيجة سوء فهم، مشيرًا إلى أن تعليقات رامز معروفة بطابعها الساخر، وأنه لم يقصد أي إساءة.
وقال أشرف زكي، خلال لقائه مع الإعلامية أسما إبراهيم في برنامج «حبر سري» على شاشة «القاهرة والناس»: «هو بيحب أسماء جلال جدًا، واللي حصل كان هزار، لكن أحيانًا الطرف الآخر ما يتقبلش الهزار، خصوصًا مع اشتعال السوشيال ميديا، فالدنيا سخنت»، مضيفًا: «أنا واثق إن رامز ما يقصدش إطلاقًا إنه يسيء لأسماء جلال أو لأي حد، وإن شاء الله الموضوع هيتعالج ويتلم بالطريقة اللي ترضيها وتصح المسار».
وتابع: «أنا ما شفتهاش على الهواء، شفتها بعدين، وكل واحد هيفسرها بطريقته، يمين هيفسرها يمين وشمال هيفسرها شمال، لكن ما أعتقدش إن القصد كان إساءة، واستحالة يكون قصد إساءة».
وأشار أشرف زكي إلى أنه تواصل مع أسماء جلال شخصيًا، لكنه لم يتواصل بعد مع رامز جلال، قائلًا: «لسه ما كلمتش، لأن مش عارف بيصور ولا خلص ولا إيه»، مضيفًا: «في ناس بتقول إن اللي رايح برنامج زي ده بيكون عارف إن في مقدمات بالشكل ده، ودي مش جديدة وبتظهر دايمًا».
