عمر كمال: مش بقلد محمد فؤاد ولكن تأثرت بيه

تحدث مؤدي المهرجانات عمر كمال، عن مشواره الفني، قائلا: “كل خمس سنين بسأل نفسي أنا فين وبقول وبعدين؟.. مبحبش مثل صاحب بالين كداب لو تعرف تعمل أكتر من حاجة في وقت واحد اعمل”.

وأجاب عمر كمال، في لقائه ببرنامج الحكاية، مع الإعلامي عمر أديب، عن سؤال: “هل صوتك فيه من محمد فؤاد؟"، قائلا: ”فيا من محمد فؤاد لكن مش بقلده، أنا من مدرسته ومش عيب أتأثر بيه.. لو بقلد فؤاد مش هجرب شعبي ولا مهرجانات هفضل ماشي وراه وخلاص، وغنائي لألبوم محمد فؤاد، كان رزق وجالي بالصدفة وهو اللي رفضه أنا مروحتش خطفته.. وغيرت فيه كتير".

بغني في ألبومي الجديد أغنية محمد فؤاد

وتابع عمر كمال: “بغني في ألبومي الجديد أغنية بتاعة محمد فؤاد وتمسكت بيها.. هي أغنية متتسابش، وحمو بيكا قال عمر كمال عدى وعامل ألبوم مكلف 6 مليون جنيه ومش هيعرفنا تاني والليثي وشاكوش شجعوني”.

وكان المطرب عمر كمال، قد كشف عن تفاصيل ألبومه الجديد والذي يحمل إسم عمر كمال الرهان كسبان، وقال في تصريحات له: كنت محظوظ أني تعاونت مع ناس لها اسمها ونجاحها الكبير زي تامر حسين وعزيز الشافعي ومدين ومصطفى العسال وتوما ورامي جمال.. ناس كتير جدا الحمد لله ربنا كرمني وحققت حلمي أني اشتغلت معاهم.