محمد صبحي يكشف سبب رفضه تقليد الرئيس مبارك خارج مصر
أجاب الفنان القدير محمد صبحي على سؤال الإعلامية لميس الحديدي: هل مسرحك مسرح مباشر؟ والبعض يرى أن هذه النوعية من المسارح انتهى زمنها، وأعني المسرح الذي يتحدث عن القيم والمبادئ والوطن؟، قائلا" الناس اتغيرت شوية، وبعض الناس باظوا شوية بسبب التيك توك وغيره. مثلاً: لما أعمل مسلسل عن التربية وكيف تنضبط أخلاق الأسرة، هل المفروض أعمل رموز علشان أبقى عبقري؟ لا، لازم أكون مباشر.
وأضاف محمد صبحي خلال لقائه ببرنامج "الصورة" الذي تقدمه الإعلامية لميس الحديدي على شاشة النهار: "المباشرة تكون بحسب الرسالة، لما عملت ماما أمريكا مكنتش مباشرة إلا في آخر جزء منها، عندما وجهت رسالة لأكبر دولة في العالم تحط من قدر الإنسان، كان لازم أبقى مباشر. مفيش ممثل قال أسماء مائة وثلاث وتسعين دولة في العالم في رسالة مدتها دقيقة ونصف إلا محمد صبحي.
الضحك في حد ذاته رسالة
ووجهت لميس الحديدي سؤالا: "هل لازم مسرح محمد صبحي يبقى فيه رسالة؟ البعض يقول إن المسرح للتسلية.؟ فيرد قائلاً: "أه، حتى الضحك في حد ذاته رسالة، مثلاً الفنان العظيم سمير غانم كان بيطلع يقول: أنا مش بتاع رسائل، أنا بطلع المسرح أضحك الناس. وكنت بحبه علشان كده، وهذا في حد ذاته رسالة. وكان بيقول لي: أنت أستاذ في الرسائل، لكن أنا كسمير غانم مش بتاع رسائل، أنا بضحك.
وأردف: رسائل المسرح أو الدراما أو أي هعمل أقدمه ليست مدرسة، لكنها منهج بالنسبة لي، وأول جملة وأنا بكتب عمل في الورقة أقول: بسم الله الرحمن الرحيم، أنا عاوز أقول إيه؟
وتابع محمد صبحي: " أنا بقدم رسائل بس ممكن أقوم بتأجيلها إن كان ذلك ضد مصلحة ببلدي في بعض المواقف لأني بداخلي رقابة شخصية أقوى من رقابة الدولة.
وضرب مثالا،قائلاً : "أنا سافرت عملت 12 حفلة في ليبيا، و22 حفلة في العراق، و8 حفلات في قطر ولم أقلد الرئيس الأسبق محمد حسني مبارك، خارج مصر قولتله أنا أقلده في بلدي واتسجن، لكن بره بلدي أخجل إن الناس يعتقدوا أني مصدقت أخرج بره بلدي عشان أقلده».
وأضاف: « جالي تليفون من مبارك وقتها وقالي وهو بيضحك، فيه إيه يا محمد، ما تقلدني في البلاد اللي انت بتروحها، هو إنت عاوز تتشهر لوحدك ولا إيه، ما تشهرني معاك".
