انتصار تكشف أسرار فيلمها الجديد مع كريم الشناوي
الفنانة انتصار تشارك الجمهور تفاصيل تجربتها الجديدة في السينما من خلال فيلمها المنتظر "السادة الأفاضل"، الذي يعد توليفة فنية تجمع بين الكوميديا والبعد الاجتماعي، مع المخرج كريم الشناوي.
بدأت الفنانة انتصار بالحديث عن لقاءها مع الإعلامية شيرين سليمان في برنامج "سبوت لايت"، المذاع على قناة صدى البلد، مستعرضة رؤيتها للعمل الجديد وكواليس التصوير والعلاقة المميزة التي جمعتها بالمخرج وفريق العمل.
قالت انتصار: "انتظروا كريم الشناوي في ثوبه الجديد واتجاهاته الجديدة؛ اتجاهات اجتماعية، كوميدية، مختلفة تمامًا.. ولما تتفرجوا على الفيلم، هتفهموا عنه أكتر وتشوفوا اتجاهاته الكوميدية الجديدة.. إحنا كسبنا مخرج كوميديان محب للأعمال الكوميدية، ودي ما كانتش اتجاهه قبل كده".
واستكملت انتصار، موضحة أسلوبه في العمل: "بحس إن هو زميلنا في الفصل، مش اللي واقف عند السبورة، ده زميلنا اللي بيقول يا جماعة دلوقتي هنلعب، دلوقتي هنهزر، دلوقتي يا جماعة نقطة نظام، عندنا امتحان مهم، أخلص المشهد وبعدين نعمل اللي أنتوا عايزينه".
وتابعت:"إحنا بنحبه وبنخاف على زعله، لأنه محترم جدًا فمجرد ما بنحس إنه زعلان، بنتضايق من نفسنا لأننا زعلناه.. وهو ممكن يكون أصغرنا سنًا، لكنه يمتلك روحًا قيادية ومسئولية كبيرة إنه يبقى في موقع التصوير 15 شخصًا لمدة 14 ساعة، كان ذلك عبئًا عليه بصراحة".
