ريم مصطفى عن مسلسل سره الباتع : ”كنت هاخد إجازة ولما إتعرض عليا العمل شيء منتهى الابهار”
اعربت الفنانة ريم مصطفى عن سعادتها البالغه بسبب دورها في مسلسل " سره الباتع " قائلة : " مخضوضة من قبل مادخل العمل ده رغم أني قبل عرض الدور علي كنت لسه خارجه من فترة تصوير طويلة زي طير بينا ياقلبي وغيره وأخدت قرار أني مش هصور وافصل وقلت لازم أختار المرة الجاية حاجة مميزة وفجأة جالي عرض العمل لقيت قدامي حاجة كبيرة جداً منتهى الابهار وإزاي إحنا في مصر بنعمل حاجة قوية زي دي و و60 إسم أسامي تخض معرفتش أفتح بقي ولا أتكلم وماخدتش إجازة لحد دلوقتي وبدأت شغل من وقتها
تابعت في مداخلة هاتفية " خلال " برنامج " كلمة أخيرة " الذي تقدمه الاعلامية لميس الحديدي على شاشة ON :"عمل مبهج وإتعمل فيه شغل قوي جدا والانتاج ضخم جداً كل حد فيه بيقدم شكل جديد جدا
واصلت : " قدمت شيء مختلف ومميز وطاقة غير طبيعية ومجهود غير طبيعي أنا حقيقي عملت مجهود ماعملتوش في حياتي وأتمنى أن ينتقل ذلك الابهار للمشاهد"
