بدرية طلبة تلجأ للقضاء بسبب ياسمين عبد العزيز.. إيه الحكاية
كشفت الفنانة بدرية طلبة، حقيقة خلافها مع الفنانة ياسمين عبدالعزيز، بعد انتشار شائعات بوجود خلاف بينهما لعدم حضور ياسمين عبدالعزيز حفل زفاف ابنتها.
وقالت «طلبة» خلال لقائها مع «فوشيا»: «ياسمين بنتي وأختي ومفيش خلافات ده حد بيخترع شر، وربنا يبعده عني، مش لاقي لي غلطة بالصدفة هي كانت مشغولة في فرح بنتي وماجتش لكن عملت معايا الواجب اللي أخت تعمله مع أختها، ومش هنطلع نذيع نقول هي عملت إيه عملت معايا اللي متعملش لكن ظروفها مسمحتش أنها تيجي».
أضافت: «هو أخد الحتة دي وقد يهري مع نفسه وإحنا محدش بيرد عليه، هنرد عليه بشغلنا وياسمين بترد الرد اللي يليق بنجمة لأنه اقحمها في المشكلة اللي بيني وبينه وأنا الموضوع ضايقني ورفعت عليه قضية ويكفي أقول إني عندي مسلسل مع ياسمين عبدالعزيز في رمضان 2025».
