رسالة مؤثرة من تامر حسني إلى هيثم سعيد بعد قرار اعتزاله: كلنا جنبك
دعم الفنان تامر حسني، الفنان هيثم سعيد، وذلك بعدما أعلن عن اعتزاله الفن.
وعلق تامر حسني، عبر حسابه على «انستجرام» على قرار هيثم سعيد بالاعتزال، موجها رسالة له قائلا: «حبيبي هيثم أنا أكيد أزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس».
وتابع: «بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة ربنا بس العالم بيك وعالم أنت شوفت إيه وحسيت بإيه».
وتابع: «نصيحة ليك برضه ادرس التوزيع الموسيقي عشان تعمل مزيكتك بنفسك، وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب ولو حسيت بأي صعوبة، ارجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل، وشکل جمیل ومحترم وتستحق كل خير.. فكر يا صاحبي وأنا بعون الله معاك».
وأضاف تامر حسني: «طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير، أنت عارف أنا شوفت إيه من حروب».
