أميرة عبيد تدعم مريض بمتلازمة توريت: إحنا معاك لحد ما تتعالج.. فيديو

دعمت الإعلامية أميرة عبيد، الشاب محمد جمال والمصاب بالمرض النادر متلازمة توريت، وخصصت فقرة لاستضافته خلال برنامجها "هي وهما" على قناة الحدث اليوم، قائلة: إحنا معاك لحد ما نلاقي علاج".
ووجهت أميرة عبيد، رسالة إلى الشاب، ربنا معاك ويتمم شفاك على خير ونشوفك قريب في أفضل حال وصحة .. حقيقي أصبحنا في زمن الناس يسمعوا نصف كلامك ويفهموا ربعه، ويتكلمون عليك أضعافه".

تابعت:، للأسف كلام الناس لا بيشجع الناجح ولا بيوقف الفاشل ولا بيرحم المريض وصلنا لمرحلة، الكلام فيها طلعله لسان وبدل ما الإنسان يقود الكلام بقي لسان الكلام هو اللي بيحرك الإنسان ، وبقينا نقول علي صاحب الكلمة الطيبة شخص جبان في زمن الكلمة الطيبة في ملهاش مكان".

أتمت، متلازمة (توريت) باختصار بينتج عنها حركة لا إرادية للمريض وهي حركة سريعة بتحصل أثناء الكلام مع خروج أصوات غريبة تشبه أصوات الطيور وغيرها من الكائنات.. وطبعاً الحالة دي بتعرض صاحبها لمواقف محرجة زي التنمر من بعض الناس معدومة الرحمة والإنسانية، الناس لما شافته في منهم بيقول إنه ملبوس وعليه جن وناس تانية بتقول ده أكيد بيتعاطى مخدرات وقلة قليل بتقول ده مرض وراثي".