محمد عطية: أول مرة أدخل التوب 10 بأغنية ”البطيخ”

علق الفنان محمد عطية عبر صفحته الرسمية علي موقع التواصل الاجتماعي الشهير فيسبوك، علي تحقيق أغنيته الجديدة “ البطيخ ” مليون مشاهدة .

وقال محمد عطية : أول مرة أدخل التوب 10 في يوتيوب مصر في حياتي .. مبسوط اني دخلته بأغنية عن القضية و في اقل من ٣ أيام مليون مشاهدة.

رد الفنان محمد عطية عبر صفحته الرسمية على موقع التواصل الاجتماعي الشهير “ فيسبوك ”، على ردود الأفعال التي وصلته بشأن اغنيته الجديدة “البطيخ” خاصة بعد الانتقادات التي تعرض لها من جانب البعض .

وقال محمد عطية في منشوره: صباح الخير.. ردود الأفعال الفلسط**ينية و اهالي غزة تحديدا على الاغنية مخلياني مبسوط و راضي تماما عشان لو أسهمت بثانية واحدة تبسط اي فرد من الناس دي أنا كده فل جدا

وتابع محمد عطية: مبسوط جدا انهم اكتر ناس بيدافعوا عني قدام النقد .. وطبيعي يا جماعة ان في ناس تشوف العمل وحش و ناس تشوفني زفت و ناس تحب و ناس تاني تتريق و ناس تشتم و ناس تشكر .. ده جزء لا يتجزء من شغلناتنا وأنا أصلا ماعنديش مشكلة خالص في كل ده حتى في التطاول لأن أنا عارف ان ده بيحصل و هيحصل معايا و مع غيري ومش لازم نخون اللي بيشتمني او نعايره.. ده عمل فني فحقه يقول اللي هو عاوزه.

وأضاف محمد عطية: اللغز المحير بالنسبالي ان اصحاب القضية نفسهم شايفين العمل عظيم ومبسوطين و الجيل الصغير ( اللي أنا موجهله الاغنية) برضه مبسوط واللي ينتقدوا ولاد بلدي اللي من جيلي.. عامة أنا كل اللي بتمناه ان الناس تفضل تتكلم عن القضية و ناس تانية تعمل أعمال و يوفق منها ما يوفق و لا يوفق من لا يوفق المهم ما ننساش القضية و نفضل نحسس الناس هناك انهم في بالنا و انهم مش لوحدهم لان حقيقي ده بيفرق معاهم جدا.