محمد موسى يفتح النار على محمد رمضان: ”عامل دماغ عالية”

شن الإعلامي محمد موسى، هجوما حادا على الفنان محمد رمضان بعد تصريحاته الأخيرة أثناء تكريمه بمهرجان الأقصر للسينما الإفريقية والتي كانت مثيرة للجدل وحديثه عن تقديمه أعمال فنيه تعيش أكثر من الحضارة الفرعونية.

وقال محمد موسى خلال تقديم برنامج "خط أحمر" على قناة الحدث اليوم، "أنت مين ياعم .. حصل ياحاج محمد هي الحكاية وصلت معاك أنك هتقارن الحاجات اللي بتقدمها كمشخصاتي بحضارة مصر ... لا حول ولا قوة إلا بالله .. هي الناس حصلها أيه .. هو في كده حضارة مصر يا مؤمن بتكلم عنها وتقول أنك عايز تعمل حاجات تعيش أكتر منها .. ياعم الحاج محمد .. دي المقابر اللي بناها الفراعنة تزعل منك أه والله هتزعل وهتصيبك بلعنتها ... الموضوع موقفش عند كده دي الحكاية كبرت حبتين مع محمد رمضان وواضح أن الدماغ كانت عالية أووووي".

تابع، "محمد رمضان، كمان أنتقد محافظ الأقصر المستشار مصطفى ألهم، لأنه مستقبلهوش .. معلش محدش بلغ سيادة المحافظ أن حضرة رئيس جمهورية أديك في الجركن تركن موجود في محافظته أكيد لو كان عرف كان هيبقي في كلام تاني بجد أنا مش فاهم الناس جرالها أيه ؟ للدرجة دي لا حول ولا قوة إلا بالله".