راجح داوود: الراب موجود من 20 سنة.. والمهرجانات دمها خفيف

قال الموسيقار راجح داوود، إنه يهوى سماع ألوان مختلفة من الموسيقى منها الموسيقى الكلاسيكية، والعربية، وبعض من موسيقى المهرجانات.

وأضاف راجح داوود، في لقاء خاص مع الإعلامية شيرين سليمان ببرنامج سبوت لايت المذاع عى قناة صدى البلد، قائلاً: «موسيقى المهرجانات فيها حاجات دمها خفيف بحبها، كل واحد عنده منهج خاص والمهرجانات ده اسم إعلامي، الإعلام اللي سمى النوع ده من الموسيقى؛ لأنها موسيقى العصر الحالي، ونوع من التمرد على السائد».

أحمد عدوية

وتابع راجح داوود قائلاً: «دائمًا في الفنون كل فترة يحصل تمرد، مثل أحمد عدوية لما ظهر كان نوع من التمرد على عبد الحليم حافظ ومحرم فؤاد والجيل ده، وفترة التسعينات لما ظهرت أغنية لولاكي كانت نوع من التمرد على الأغاني الموجودة".

وأضاف قائلا:"دائمًا عشان يحصل تطور لازم يحصل تمرد، والمرحلة دي ممكن يبقى فيها حاجات كتيرة وحشة بتتعمل لأن جيل جديد بيحاول يكتشف، وتتصفى ويتبقى حاجات كويسة يتبني عليها حاجات آخرى، وهكذا كل 15 سنة بيحصل زي إعادة تدوير».

وأشار الموسيقار راجح داوود، إلى أن أغاني الراب متواجدة منذ أكثر من 20 سنة.
https://youtu.be/JtRn6p-JZAc?si=CRE2-RRhPcJ36tQC